Acmhainní Folláine

‌

Speakout‌

Uirlis tuairiscithe anaithnid ar líne is ea Speak Out atá ar fáil don fhoireann agus do mhic léinn araon chun bulaíocht, cibearbhulaíocht, ciapadh, leithcheal, fuathchoireacht, iompar/rialú comhéigeantach, stalcaireacht, ionsaí, ciapadh gnéis, ionsaí gnéis nó éigniú a chur in iúl.  

Léiríonn an cur chuige náisiúnta san Fheachtas Speak Out an obair leanúnach in Ollscoil na Gaillimhe agus cabhróidh sé leis an gcultúr neamhfhulaingthe a bhfuil géarghá leis a bhaint amach.  

Moltar d’aon duine a bhfuil imní air/uirthi nó gearán acu faoi iompar míchuí an uirlis ar líne a úsáid. Cabhróidh an uirlis Speak Out leat eolas agus sonraí teagmhála a fháil ar thacaíochtaí ábhartha Ollscoil na Gaillimhe agus ar thacaíochtaí speisialta seachtracha. 

Tá an t-eolas a sholáthraíonn tú ar an uirlis seo luachmhar mar go gcabhróidh na sonraí a bhailítear le tionscnaimh atá dírithe ar dhul i ngleic le bulaíocht, ciapadh agus deireadh a chur le foréigean gnéis agus ciapadh in Ollscoil na Gaillimhe. Tá sé tábhachtach a mheabhrú, toisc go bhfuil an uirlis tuairiscithe Speak Out go hiomlán gan ainm, nach bhfuil aon bhealach ann chun aon bhall de phobal na hollscoile a úsáideann an uirlis a aithint nó teagmháil a dhéanamh leo. 

In Ollscoil na Gaillimhe, molaimid d’aon duine a d’fhulaing iompar leatromach nó maslach tuairisc fhoirmiúil a dhéanamh. Más mian leat teagmhas a thuairisciú go foirmiúil tabhair cuairt ar an bPolasaí Foirne maidir le Ciapadh agus Gnéaschiapadh (QA361 Sexual Violence and Harassment Policy and Procedure)

Tá an uirlis Speak Out le fáil anseo: https://unigalway.speakout.ie/ 

Tá súil againn go bhfaighidh tú an t-eolas go léir atá uait, ach má tá tuilleadh eolais nó treorach uait faoi na tacaíochtaí atá ar fáil i gcásanna foréigin ghnéis agus ciaptha, seol ríomhphost chuig sinead.wynne@universityofgalway.ie faoi rún. 

‌‌

Grafaic Eolais Cornmarket faoi Bhuiséad 2022 23‌‌

Cliceáil thuas don ghrafaic eolais ar Bhuiséad na hÉireann 2023.

An tSeirbhís Cúnaimh d’Fhostaithe (EAS)

Is seirbhís ghairmiúil comhairleoireachta agus eolais atá faoi rún agus ar fáil saor in aisce é an EAS a chuireann tacaíocht ar fáil d’fhostaithe Ollscoil na Gaillimhe, dá bpáirtithe agus dá gcleithiúnaithe atá os cionn 18 mbliana d’aois agus a bhfuil cónaí orthu sa bhaile chun ábhair imní phearsanta nó oibre a réiteach. Tá an tSeirbhís ar fáil 24/7, 365 lá i gcaitheamh na bliana.

Your Mental Health.ie

 

Tá go leor acmhainní liostaithe ag Your Mental Health.ie le haghaidh cásanna éagsúla lena n-áirítear iad seo a leanas:

 

• Deacrachtaí Meabhairshláinte
• Déileáil le Cásanna Deacra
• Ag tabhairt aire do do mheabhairshláinte

Acmhainní Bróin agus Méala

Féach thíos acmhainní ó Fhondúireacht Ospíse na hÉireann

1. Líne Tacaíochta Méala na hOspíse – Oibrithe deonacha oilte ó 10am go 1pm Luan go hAoine. Cuir in iúl don fhoireann/úsáideoirí seirbhíse/comhaltaí go léir, má tá tacaíocht nó cluas éisteachta ag teastáil uathu, go bhféadfaidh siad glaoch ar an líne seo ar 1800 80 70 77. Tá taithí saoil agus oiliúint ar na hoibrithe deonacha chun tacú le daoine atá faoi bhrón nó daoine atá ag obair leo siúd a chaill duine gar dóibh. Is féidir leo mioneolas a sholáthar freisin faoi na hacmhainní agus na tacaíochtaí atá ar fáil i ngach ceantar, más mian le duine teacht ar thacaíochtaí pobail nó áitiúla

2. Caillteanas agus an Próiseas Bróin – Modúl ríomhfhoghlama deich nóiméad – is pointe tosaigh é seo do dhaoine chun tuiscint a fháil ar an bpróiseas bróin a d’fhéadfadh a bheith úsáideach agus ina chúnamh do dhaoine a bhfuil taithí acu ar bhrón agus ar chaillteanas. Tá an modúl seo saor in aisce agus d’fhéadfá é a roinnt le do bhaill/d’fhoireann

3. Mol - Brón san ionad oibre áit a bhfaighidh tú eolas, acmhainní agus ríomhfhoghlaim in aon áit amháin.

4. Seo Bileog Eolais ar Bhrón san Ionad Oibre maidir le tacaíocht a thabhairt do chomhghleacaí a chaill duine, tá leideanna úsáideacha ann agus b’fhiú é a roinnt leis an bhfoireann nó a chrochadh ar chlár fógraí an tseomra foirne. Léiríonn sé d’fhostaithe go n-aithníonn tú go bhfuil siad faoi bhrón agus go bhfuil freagracht ar an ionad oibre tacú le daoine. Seo nasc chuig na bileoga go léir atá againn atá ar fáil le hordú do d’eagraíocht https://hospicefoundation.ie/our-supports-services/bereavement-loss-hub/bereavement-support/bereavement-support-leaflets/

5. Seo na Cúrsaí Ríomhfhoghlama go léir atá ar fáil againn

6. Seo roinnt tionscadal álainn agus físeán atá maoinithe againn do dhaoine chun a mbrón nó a gcaillteanas a chur in iúl ar bhealach cruthaitheach agus a scéal a insint. B’fhéidir gur ábhar maith cainte iad seo do do bhaill nó don fhoireann agus d’fhéadfadh sé cabhrú leat tús a chur leis an gcomhrá faoi bhrón

7. Seo é an Treoir d'Fhostóirí maidir le Freagairt ar Fhéinmharú agus is treoir an-mhionsonraithe í seo ar an méid atá le déanamh nuair a tharlaíonn féinmharú san ionad oibre/nuair a chailleann duine den fhoireann duine de bharr féinmharaithe, i dtéarmaí comhairle phraiticiúil maidir le tacú le fostaithe agus le teaghlach an fhostaí agus freisin, roinnt treorach ar an tacaíocht mhothúchánach is féidir le hionaid oibre a sholáthar. Tá sé bunaithe ar thaithí saoil daoine a chaill duine de bharr féinmharaithe agus láithreacha oibre a raibh orthu déileáil leis an gcás thar a bheith brónach agus trámach seo. Tá súil againn nach mbeidh ort déileáil leis seo go brách ach seolaimid chuig ionaid oibre é ionas gur féidir iad a ullmhú ar eagla go dtarlóidh a leithéid de ghéarchéim.

Aipeanna Meabhairshláinte

Tá roinnt aipeanna meabhairshláinte agus machnaimh ann chun cabhrú le d’fholláine mheabhrach. Seo cuid díobh: 

Headspace